Inger Støjberg verður avhoyrd í dag

Fyrrverandi danski ráðharrin í útlendingamálum, Inger Støjberg, skal í dag avhoyrast í ríkisrættinum.

Ákærin vil hava at vita frá henni, hví hon valdi at skilja eitt par sundur, sum hevði søkt um uppihaldsloyvi. Annað av teimum var undir 18 ár.

Ríkisrættarmálið hevur nú vart í fýra dagar, og higartil er drúgva ákæruritið lisið upp.

Væntar at verða fríkend

Í dag skal fyrrverandi ráðharrin avhoyrast. Í ríkisrættinum eru 26 dómarar og tveir ákærar.

Nógv tíðindafólk fylgja eisini rættarmálinum, sum er í Eightveds Pakkhúsinum í Keypmannahavn.

Inger Støjberg hevur sagt, at hon kennir seg sannførda um, at hon verður fríkend.