Flyta kvotur til næsta ár

Nú so langt er liðið út á árið, fer Jacob Vestergaard, landsstýrismaður, væntandi at leggja uppskot fyri tingið um, at kvoturnar til vinnuligar royndir og verkætlanir og ískoytiskvoturnar av svartkjafti, sum verða latnar í heyst, kunnu flytast til næsta ár.

Tað sigur landsstýrismaðurin í svari til Høgna Hoydal, løgtingsmann.

Hann sigur, at ikki fyrr enn í mai kom broytingin í sjófeingislógini um kvotur til vinnuligar royndir og verkætlanir. 

So var eftir at gera kunngerðirnar. Lýsast kundi ikki eftir umsóknum, fyrr enn kunngerðin var lýst. Kunngerðin kom í gildi 12.juni.

Freistin at søkja var 6.juli. 51 umsóknir komu.