Tríggjar umsóknir til sjey kommunulæknastørv

Tríggjar umsóknir eru til tey sjey kommunulæknastørvini, sum vóru lýst leys herfyri.

Heilsutrygd søkti eftir fólki til sjey kommunulæknastøv í fimm læknadømum. 

Ein umsókn er til starvið í Norðoya læknadømi og tvær til eitt starv í Suðurstreymoyar læknadømi.

Eingin søkti um tvey størv í Suðuroyar læknadømi, tvey í Skálafjarðar læknadømi og eitt í Vestmanna læknadømi.

Eingin søkti fyrr í ár

Eingin søkti um tey seks kommunulæknastørvini, sum vórðu lýst leys í mai í ár.

34 kommunulæknaviðtalur eru í Føroyum.

Har eingin kommunulækni er í føstum starvi eru avloysarar. 

Heilsutrygd hevur biðið Heilsumálaráðið um tríggjar kommunulæknaviðtalur afturat, einari í Havn, einari í Klaksvík og einari í Fuglafjarðar læknadømi.

Men einki svar er komið.