![](https://kringvarp.fo/sites/default/files/styles/myndasavn-width/public/tunlar_nordur_um_fjall1_2.jpg?itok=rhuCweT7)
- Tíðindi, mentan og ítróttur
Nú er fyrsta skotið latið av
![](https://kvf.fo/sites/default/files/styles/grein-ovasta-mynd/public/tunlar_nordur_um_fjall_3.jpg?itok=h30StNri)
Seinnapartin hátíðarhald millum báðar teir gomlu tunlarnar í Árnafirði, nú fyrsta skotið til nýggja tunnilin millum Árnafjørð og Hvannasund varð latið av.
Sigurd L. Lamhauge, stjóri á Landsverki, beyð vælkomið. Síðani helt Jørgen Niclasen, landsstýrismaður í fíggjarmálum, røðu, áðrenn hann læt fyrsta skotið av.
Nakað av fólki var komið saman við tunnilsmunnan, hóast eisini nógvur vindur og regn er í Árnafirði í dag.
Loystu fyrsta flagið í februar
Fyrsta flagið í sambandi við vegagerðina til nýggju tunlarnar norður um Fjall varð loyst í Ánunum mánadagin 8. februar.
Árnafjarðartunnilin verður umleið 1900 metrar langur, og Hvannasundstunnilin verður umleið 2200 metrar. Samlað vegalongd, har tunnlar og vegir eru roknaðir við, eru umleið 6.500 metrar.
Báðir tunlarnir verð boraðir úr Árnafirði, og byggifelagið Articon skal gera arbeiðið.
Tunlarnir norður um Fjall fara at kosta tilsamans 522 mió. kr., og teir verða væntandi lidnir á heysti í 2024.
Sí videobrot, tá fyrsta skotið varð latið av, her: