Stórur oljuleki út fyri kalifornisku strondini

Ein stórur oljuleki er út fyri strondini í Kalifornia í USA , og hildið verður, at í minsta lagi 572.000 litrar av olju hava runnið út á sjógv.

Tað boða myndugleikarnir í Huntington Beach frá, skrivar NRK.

Sagt verður, at lekin hevur rakt Huntington Beach meint, og kann hava munandi vistfrøðiligar avleiðingar við sær á strondini og vátlendunum har um leiðir.

Orsøkin til stóra oljulekan er ein illa farin rørleiðing, sum er knýtt at oljuboripallinum Elly út fyri strondini. Sambært myndugleikum á staðnum fór oljan at leka leygardagin, áðrenn hon breiddi seg einar 17 fjórðingar.

Amerikanska sjóverjan og staðbundin feløg hava sent flogfør at fáa eitt yvirlit yvir, hvussu stórur lekin er. 

Bjargingartænastan er í ferð við at súgva oljuna upp úr sjónum.

Kalifornia, Dálkaður fuglur í Kalifornia, Oljuleki í Kalifornia - Mynd: RitzauScanpix