Harðar fiskivinnusamráðingar í væntu

Harðar fiskivinnusamráðingar í væntu
Væntandi verða harðar samráðingar í Brússel í dag, tá fiskimálaráðharrarnir í ES hittast til tingingar um kvoturnar í Eystursalti næsta ár. Mælt verður til at skerja kvoturnar
 
11.10.2021 - 13:58

ES-nevndin mælir til at skerja kvoturnar munandi, og tað fær eisini stórar avleiðingar fyri fiskivinnuna í Danmark, váttar Rasmus Prehn, fiskimálaráðharri.

Hann sigur, at Danmark fer at taka undir við tilmælinum hjá ES-nevndini.

- Skulu vit varðveita fiskivinnuna í framtíðini, er neyðugt at skerja kvoturnar, sigur Rasmus Prehn við Ritzau.

 

Fiskastovnar eru hóttir

ICES sigur, at fleiri fiskastovnar í Eystrasalti eru hóttir, og tí mælir ES-nevndin til at skerja kvoturnar munandi í 2022.

ES-nevndin skjýtur upp, at toskakvotan í Eystrasalti minkar 92 prosent. Tað hevur við sær, at kvotan minkar úr 4.000 tonsum niður í 324 tons til øll londini.

Hetta fer eisini at raka donsku fiskivinnuna sera meint.

 

Mæla til upphøggingarstuðul

Stjórnin er til reiðar at veita eina hjálpandi hond, sigur Rasmus Prehn, eitt nú við stuðli til fiskireiðskap, sum bara fiskar tey fiskasløg, sum loyvt er at fiska.

Haraftrat er ætlanin at veita stuðul til teirra, sum vilja sleppa burtur úr vinnuni, t.e. upphøggingarstuðul.

Væntandi fara samráðingarnar í dag at vara út á náttina.

 

Veðurlagsbroytingar orsøkin

Fleiri orsøkir eru til, at støðan hjá fiskastovnunum í Eystrasalti er versnað so nógv.

Serfrøðingar vísa m.a. á veðurlagsbroytingar, at sjógvurin er vorðin lýggjari, og at størri nøgdir av køvievni verða latin út í Eystrasalt. 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470