- Tíðindi, mentan og ítróttur
Semingsstovnurin roynir semju millum bioanalytikarar og Lønardeildina
Semingsstovnurin roynir semju millum bioanalytikarar og Lønardeildina
Sáttmálin fór úr gildi fyri meira enn einum ári síðani
![](https://kvf.fo/sites/default/files/styles/grein-ovasta-mynd/public/blodroyndir-5.jpg?itok=-dBIH8Jh)
Semingsstovnurin er komin upp í sáttmálatrætuna millum Bioanalytikarafelagið og Lønardeildina í Fíggjarmálaráðnum.
Mynd: Bjarni Árting Rubeksen
15.10.2021 - 12:18
Semingsstovnurin er komin upp í samráðingarnar millum Lønardeildina og Bioanalytikarafelagið, sum samráðast um sáttmála fyri tann, sum var til 1.oktober í fjør.
Fríggjadagin í síðstu viku heittu partarnir á Semingsstovnin um at royna at loysa ósemjuna.
Í hesari vikuni hevur Semingsstovnurin havt fundir við partarnar hvør sær.
Nær sjálv semingin byrjar, er ikki greitt enn.
40 limir
Stívliga 40 limir eru í Bioanalytikarafelagnum. Tey greina millum annað blóðroyndir í sjúkrahúsverkinum.
Í gjár høvdu Lønardeildin og Starvsfelagið samráðingarfund.
Næsti fundur verður fríggjadagin í næstu viku.
Nýggjastu sendingar í ÚV
Nýggjastu sendingar í SV