Nógv koyra og tosa í handhildnari telefon

Nógv fólk tosa í telefon, sum tey hava í hondini, meðan tey koyra bil.

Í fjør hevði politiið 373 mál um handhildnar telefonir. Higartil í ár eru tey 263.

Í 2018 vóru tey 432 og í 2019 247.

Tað sigur Ráðið fyri ferðslutrygd, sum í dag fer undir átak um gáloysni í ferðsluni.

Tað verður gjørt saman við Trygd og Betri trygging. 

Filmur skal broyta atferðin

Ein filmur er gjørdur um átakið, sum skal minna fólk á, at tá tey koyra bil, eiga tey bara at koyra bil, einki annað.

Tey skulu ikki lata eitt nú telefonina órógva seg. 

Bilførarar fáa 1000 kr. í sekt, verða teir tiknir fyri at brúka handhildna telefon, meðan teir koyra. 

Mæla til strangari revsing

Í Danmark er sektin 1.500 kr. og klipp í koyrikortið, um tú verður tikin fyri at koyra og tosa í fartelefon, sum tú heldur í hondini. 

Í Ferðslutrygdarætlanini fyri Føroyar 2019-2027 verður mælt til at geva klipp í koyrikortið.

Ráðið fyri ferðslutrygd

Frítekst tagging: 

Ráðið fyri ferðslutrygd

Í kanning, sum Lóður gjørdi fyri Ráðið fyri ferðslutrygd, hildu 47 prosent av teimum spurdu, at gáloysni er onnur størsta orsøk til skaðar í ferðsluni.

Bara ov nógv ferð er ørsøkin til fleiri skaðar enn gáloysni.

Fimti hvør er gáloysin

Í somu kanning segði fimti hvør seg javnan brúka handhildna telefon meðan tey koyrdu bil.

Frá í dag og næstu tríggjar vikurnar fer politiið at kanna telefonnýtslu í ferðsluni.

Ráðið fyri ferðslutrygd

Frítekst tagging: 

Ráðið fyri ferðslutrygd