Sjey innkallingar til viðgerð um sammóður

19.10.2021 - 07:47

Aktuelt›Politikkur

Bispur, LGBT, Familjufyrisitingin, Barsilsskipanin og trý landsstýrisfólk eru millum tey sjey, ið er kallað inn til Trivnaðarnevndina at viðgera uppskotið um sammóður

Høgni Djurhuus

Trivnaðarnevndin í løgtinginum hevur gjørt sjey innkallingar í sambandi við viðgerðina av lóggarbroytingunum í málinum um sammóður

Mynd: Bjarni Árting Rubeksen

Um eina viku fer Trivnaðarnevndin hjá løgtinginum at viðgera uppskotini um sammóður.

Sjey innkallingar eru gjørdar.

Landsstýriskvinnan í almannamálum og Familjufyrisitingin, Ríkisumboðið, Biskupur, LGBT, Annika Vang og Karin Jacobsen Vang,
landsstýrismaðurin í umhvørvis- og vinnumálum og Barsilsskipanin og landsstýrismaðurin í heilsumálum og umboð fyri Landssjúkrahúsið hava fingið fundarboð.

LGBT samkynd løgting

Broytingar í fleiri lógum

Talan er um broytingar í nøkrum lógum, barsilslógini, rættargangslógini og lógini um rættarstøðu barna, arvalógini, lógini um foreldramyndugleika og samveru og lógini um at viðurkenna norðurlendskar avgerðir um faðirskap.

Tingfólk í Javnaðarflokkinum, Tjóðveldi og Framsókn løgdu fram uppskotini.