- Tíðindi, mentan og ítróttur
Strandalond samráðast um uppsjóvarfisk
![](https://kvf.fo/sites/default/files/styles/grein-ovasta-mynd/public/3d51effc7cd4745c85984b541fa035ed.png?itok=tprWCqtj)
Hesa vikuna og í næstu viku eru samráðingar í London millum strandalondini um makrel, svartkjaft og norðhavssild í 2022.
Stóru politisku málini fyri allar tríggjar uppsjóvarstovnarnar eru framtíðar býtini millum strandalondini og at áseta mest loyvdu veiðu í 2022.
Á skránni er eisini at seta vísindaligar bólkar fyri bæði makrel og svartkjaft at savna saman alt taltilfar viðvíkjandi vísindaligum rannsóknum og fiskiskapi í felags frágreiðingar, eins og árliga verður gjørt við norðhavssild.
Slíkar frágreiðingar verða nýttar í samráðingum um framtíðar býtini.
Harumframt vóru í gjár innleiðandi samráðingar millum Føroyar og Bretland um sínámillum fiskirættindi í 2022.
Fyrsta samráðingarumfar millum Føroyar og Bretland verður í Føroyum, væntandi seinnapartin í november.