300.000 sviar mist luktisansin

Umleið 300.000 sviar hava mist luktisansin eftir at hava havt koronu, og fleiri túsund leita sær hjálp fyri trupulleikan, skrivar NTB.

Svøríki hevur tveir stovnar, sum hjálpa fólki, ið hava trupulleikar við at lukta og smakka.

Talan er um universitetssjúkrahúsið í Huddinge og í Lund.

Stovnurin í Huddinge læt upp í september, meðan stovnurin í Lund hevur verið í fleiri ár.

Sviar, Svøríki

Frítekst tagging: 

Sviar

svøríki

Úr at gera síðani korona

Og nógv fólk hava vitjað stovnin, síðani korona byrjaði.

"Vit fáa vitjan av fólki úr øllum landinum og hava úr at gera," sigur Charlotta Cervin-Hoberg, sum kannar fólk.

"Tað eru ymisk viðurskifti, sum kunnu ávirka smakk og lukt, men nú er í stóran mun talan um fólk, sum hava havt koronu," sigur hon.

Covid-19 kann hava við sær, at fólk missa bæði smakki- og luktisans, men tað hendir eisini, at luktisansurin broytist, so ymiskt, sum vanliga luktar væl, luktar illa, sigur svenska Eva Høglund, sum hevur leitað sær hjálp, fyri at fáa vanliga smakki- og luktisansin aftur.

Hon fekk koronu í apríl í fjør.