Tingast aftur um radaran

Tingast aftur um radaran
Jenis av Rana, landsstýrismaður í uttanríkismálum, og Trine Bramsen, verjumálaráðharri, hittast í Keypmannahavn um eina viku
Jenis av Rana og Trine Bramsen hava fund um radaran í næstu viku. Landsstýrismaðurin í uttanríkismálum væntar, at greiði fæst á málinum í november.
 
26.10.2021 - 14:41

Týsdagin í næstu viku fara Jenis av Rana, landsstýrismaður, og Trine Bramsen, verjumálaráðharri, at tosa um radaran, sum danir vilja hava í Føroyum.

Fundurin verður í Keypmannahavn fyrrapartin týsdagin.

Jenis av Rana sigur, at hann væntar at fáa eina greiðu á radaramálinum í november.

Tá málið er búgvið til tess, fer tað í Uttanlandsnevndina hjá løgtinginum.

Hann sigur, at Trine Bramsen og hann fara eisini at tosa um fáa skipað í fastar formar, at formalisera, samstarvið millum Føroyar og Danmark um trygd og verju.

Slíkt samstarv er um uttanríkismál. 

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652