Afturberingin fyri filmsgerð eigur at vera fýra milliónir krónur

Afturberingin til filmsgerð, sum nú er 200.000 kr. um árið, eigur at hækka upp í fýra milliónir um árið. 

Tað siga stýrið og leiðarin í Filmshúsinum í brævi til Fíggjarnevndina hjá løgtinginum.

Sambært afturberingarskipanini kunnu útlendingar, sum gera film í Føroyum, fáa fjórðingin av útreiðslunum úr landskassanum.

So leingi játtanin er 200.000 kr. kunnu útlendingar brúka 800.000 kr. til filmsgerð í Føroyum, um tey vilja hava afturbering.

Men er játtanin fýra milliónir, kunnu 16 milliónir brúkast í Føroyum.  

Filmshúsið mælir eisini til, at 1.oktober hvørt ár verður gjørt upp, hvussu nógv er brúkt og hvussu nógv er eftir, so peningurin, sum ikki verður verður nýttur til afturbering til filmsvinnuna, fer aftur í landskassan.