Skúlin á Fossánesi stongdur

Allir næmingar og lærarar í skúlanum á Fossánesi eru send til hús í sóttarhald í 10 dagar.

Tað hendir eftir at tveir næmingar og ein lærari í gjár fingu staðfest koronusmittu.

Øll í skúlanum eru ígjár og í dag kannað fyri koronu, men øll úrslitini eru ikki tøk enn, sigur Myrna L. Jacobsen, fyrstilærari á Fossánesi.

Næmingar og lærarar verða í sóttarhaldi til og við fríggjadagin í næstu viku.