Løgtingsformaðurin: Ikki fleiri tingfólk enn neyðugt í salinum

Dagsskráin fyri tingfundin í dag er drúgv.

Níggju mál hjá landsstýrinum, øll uttan ríkislógartilmælið, sum komu í tingið fríggjadagin, eru á skránni í dag.

Tingið skal eisini viðgera fyri triðju ferð og atkvøða seinnu ferð um stuðul til avlýstar tónleikafestivalar.

Uppskotið var einmælt samtykt, tá fyrra atkvøðugreiðslan var.

Ikki fleiri tingfólk enn neyðugt

Løgtingsformaðurin heitir á tingfólk um, at ikki fleiri koma í tingið, enn tørvur er á. 

Til triðju viðgerðina kundi verið skilagott, at samgonga og andstøða gera eina clearingaravtalu, atkvøðugreiping, er tað  neyðugt, sigur formaðurin.

Løgtingsformaðurin heitir staðiliga á tingfólk um at lata seg kanna fyri koronu, um tað á nakran hátt ber til.

Serliga verður heitt á tey, sum ikki eru koppsett.

Hetta er eisini galdandi fyri onnur, sum koma í løgtingshúsið. 

Ikki opið fyri almenninginum

Løgtingið er ikki opið fyri almenninginum næstu dagarnar. Og ongar vitjanir vera.

Avgjørt er, at tingfólk ikki verða skrásett fyri fráveru, meðan smittustøðan er, sum hon er í løtuni.