Øll hús skulu nú kunna lutast sundur í eigaraíbúðir

Nú skulu øll hús, eisini tey, ið eru bygd fyri 3.april 1970, kunna lutast sundur í eigaraíbúðir.

Ein lógarbroyting er gjørd um tað og send til hoyringar.

Lógin um eigaraíbúðir, sum kom í gildi 3.apríl 1970, sigur, at hús, sum eru grundað fyri tann dag, ikki kunnu sundurbýtast í eigaraíbúðir.

Áseting skal strikast

Landsstýrið hevur fingið áheitanir um at strika hesa áseting, og tað verður nú gjørt.  

Landsstýrið sigur, at broytingin ger helst, at nakað fleiri eigaraíbúðir verða gjørdar.

Broytingin kann eisini gera, at onkrar leiguíbúðir og lutaíbúðir, sum eru á marknaðinum í dag, í framtíðini vera eigaraíbúðir.