Magnus Heinason eitur nú Mito

Gamla havrannsóknarskipið, Magnus Heinason, sum er seldur til Kroatia, eitur nú Mito, og hann fór úr Føroyum í morgun, skrivar Havstovan. 

Eitt felag í Kroatia hevur keypt Magnus Heinason fyri 1,1 milliónir krónur. Hann skal umbyggjast í Kroatia at sigla dagstúrar við ferðafólki í Adriahavinum.

Í síðstu viku fingu nýggju eigararnir frálæru, hvussu tólini umborð verða brúkt, og í morgun legði Mito fyri síðstu ferð frá landi í Føroyum við kós móti Split í Kroatia.