Bilar stoyttu saman í Norðoyatunlinum

Stutt eftir klokkan trý seinnapartin var eitt ferðsluóhapp í Norðoyartunlinum, nærindis munnanum klaksvíksmegin.

Tveir mótkoyrandi persónbilar stoyttu saman. Sjúkrabilur varð sendur á staðið, men tað løgreglan veit, hevur eingin fingið skaða. 

Løgreglan stongdi tunnilin beinanvegin. Aðrir bilar, sum vóru í tunlinum, vórðu fingnir út. 

Tunnilin verður latin upp aftur, tá ið vegurin er ruddaður, men fyri løtu síðani visti løgreglan ikki, nær tað verður.