Kanna í Sandoynni í dag

Sjúkrahúsverkið sigur, at millum kl. 11 og 11.30 verður kannað fyri koronu á læknamiðstøðini á Sandi.

Í gjár sendu borgarstjórarnir í kommununum í Sandoy annars áheitan til landstýrismannin í heilsumálum um at skipa so fyri, at møguleiki aftur verður fyri at kanna seg fyri koronu.

Borgarstjórarnir søgdu seg hava frætt, at tað ikki longur er møguligt at verða kannaður uttan so, at eyðkenni ella illgruni var um smittu, og ta avgerðina vildu teir ikki lata standa ósvaraða.