Skattainntøkurnar hjá Fugloyar kommunu hækkaðar

Fyrstu níggju mánaðirnar í ár fekk Fugloyar kommuna 2 mió. kr. inn í skattainntøkum, meðan um somu tíð í fjør vóru komnar inn knappar 1,7 mió. kr.

Munurin er 326.000 krónur.

Fugloyar Kommuna hevur tað lægsta kommunuskattaprosentið í landinum.

Tað er 16 prosent, meðan kommunan eisini hevur tann hægsta barnafrádráttin, sum er 10.000 krónur.

Sambært hagstovuni búðu í oktober í ár 38 fólk í Fugloy. 28 í Kirkju og 10 í Hattarvík.