Koyrdi inn í jólaskrúðgongu í Wisconsin

Í minsta lagi fimm fólk lótu lív og 40 fingu skaða, av teimum 12 børn, tá ein bilur við nógvari ferð koyrdi inn í eina mannamúgvu í sambandi við eina jólaskrúðgongu í Waukesha í amerikanska statinum, Wisconsin, seinnapartin í gjár.

Løgreglan royndi at steðga bilinum við skotum.

Maðurin, sum koyrdi bilin, er handtikin, og hald er lagt á bilin, men løgreglan kann ikki siga enn, um talan var um yvirgangsatsókn.

Talan var um árligu jólaskrúðgonguna, sum er sunnudagin undan Thanksgiving. 

11 vaksin og 12 børn vórðu flutt á sjúkrahús.

Skúlar í Waukesha eru stongdir í dag.

Wisconsin og yvirgangur - Mynd: RitzauScanpix