- Tíðindi, mentan og ítróttur
SSL: Nógvar avlýsingar í dag
SSL: Nógvar avlýsingar í dag
Flestu strandfaraskipini sigla bara ein part av degnum
![](https://kvf.fo/sites/default/files/styles/grein-ovasta-mynd/public/vlcsnap-2021-09-24-11h26m17s045.png?itok=R-erBZAc)
Smyril kom úr Suðuroy í morgun. Hann fer suðuraftur klokkan 11, og siglir ikki meira í dag.
24.11.2021 - 08:26
Sum líður á fyrrapartin er illveður í væntu, og tí hevur Strandferðslan boðað frá fleiri avlýsingum og broytingum í dag.
Ternan siglir fyrrapartin, men seinasti túrurin verður av Havnini kl. 12.30 og úr Nólsoy kl. 13.
Hasfjord siglir ikki um Skopunarfjørð í dag.
Ritan siglir úr Hvannasundi kl. 8.45, og siglir ikki meir í dag.
Sam siglir bert ein part av degnum millum Klaksvík og Syðradal, seinasti túrurin í dag verður úr Klaksvík kl. 15.30.
Smyril fór úr Suðuroy klokkan 6, og hann fer av aftur Havnini kl. 11, og siglir ikki meir í dag.
Líkt er til at Teistin fer at sigla sum vanligt í dag.
Flestu bussleiðirnar koyra bert fyrrapartin, og ferðaætlanin hjá teimum sæst her.
Nýggjastu sendingar í ÚV
Nýggjastu sendingar í SV