Stóra rúsevnamálið fer nú í Landsrættin

Stóra rúsevnamálið fer nú í Landsrættin
Maðurin, sum fekk fimm ár í Føroya rætti, kærdi alt fyri eitt dómin. Ein annar maður, sum eisini fekk dóm í Føroya rætti, tekur við dóminum
 
25.11.2021 - 15:02

Stóra rúsevnamálið, sum var fyri í Føroya rætti fyri 14 døgum síðani, har tveir menn eru dømdir, fer nú í Landsrættin. 

Annar maðurin, Sverri Lindenskov, er dømdur fyri at hava amfetamin, ketamin og hassj, sum sambært ákæruritinum var ætlanin at selja, og fyri seks onnur lógarbrot: - at sláa ein politist so illa, at politisturin fekk skaða, fyri at hava eina avsagaða byrsu, 14 høglpatrónir og ein springknív. 

Og ein ákæra umfataði nógv ymisk rúsevni, serliga sterk rúsevni. Maðurin skal í summar av órøttum hava havt eina fartelefon í varðhaldinum í Mjørkadali.

Tekur við dóminum

Hann varð dømdur hálvt sætta ára fongsulsrevsing.

Hann hevur nú gjørt av at taka við dóminum, sum hann fekk í Føroya rætti. 

Ákæruvaldið fer ikki víðari við tí dóminum.

Ákæruvaldið kontraappellerar hin dómin

Hin maðurin, sum er dømdur í sama máli, Bjarti Henriksen, og sum í Føroya rætti fekk fimm ára fongsulsreving, kærdi alt fyri eitt dómin, hann fekk í Føroya rætti.

Hann er eisini dømdur fyri at hava amfetamin, ketamin og hassj, sum sambært ákæruritinum var ætlanin at selja. Hann krevur frídøming.

Men í hesum førinum hevur ákæruvaldið kontraappellerað við kravi um herðing, tað vil siga harðari revsing enn fimm ár.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442