Stóra rúsevnamálið fer nú í Landsrættin

25.11.2021 - 15:02
AktueltSamfelag
Stóra rúsevnamálið fer nú í Landsrættin
Maðurin, sum fekk fimm ár í Føroya rætti, kærdi alt fyri eitt dómin. Ein annar maður, sum eisini fekk dóm í Føroya rætti, tekur við dóminum
 

Stóra rúsevnamálið, sum var fyri í Føroya rætti fyri 14 døgum síðani, fer nú í Landsrættin. 

Bjarti Henriksen, sum í Føroya rætti fekk fimm ára fongsulsreving, kærdi alt fyri eitt dómin, hann fekk í Føroya rætti.

Hann er dømdur fyri at hava amfetamin, ketamin og hassj, sum sambært ákæruritinum var ætlanin at selja.

Hann krevur frídøming.

 

Eisini dømdur fyri onnur lógarbrot

Hin maðurin, Sverri Lindenskov, er eisini dømdur fyri tað og fyri seks onnur lógarbrot: at sláa ein politist so illa, at politisturin fekk skaða, fyri at hava eina avsagaða byrsu, 14 høglpatrónir og ein springknív.

Og ein ákæra umfataði nógv ymisk rúsevni, serliga sterk rúsevni.

Og maðurin skal í summar av órøttum hava havt eina fartelefon í varðhaldinum í Mjørkadali.

 

Tekur við dóminum

Hann varð dømdur hálvt sætta ára fongsulsrevsing. Hann hevur nú gjørt av at taka við dóminum, sum hann fekk í Føroya rætti.

Ákæruvaldið fer heldur ikki víðari við tí dóminum.

Men í hinum førinum hevur ákæruvaldið kontraappellerað við kravi um herðing, tað vil siga harðari revsing enn fimm ár.

Er kopiera
Nýggjastu sendingar í ÚV
Mánadag 29. november
Við Tórði á túri á Ískaiini í Havn
131976
Mánadag 29. november
Nón - 29. november 2021
131974
Mánadag 29. november
Norðurljóð 29.november 2021
131867
Mánadag 29. november
Hvønn veg skulu vit fara?
131959
Mánadag 29. november
Vit ovurnýta ein, eina og eitt
131951
Nýggjastu sendingar í SV
Mánadag 29. november
Kongoránið
131988
Mánadag 29. november
3-2
131987
Mánadag 29. november
VIDEO: Ræst kjøt á ein øðrvísi hátt
131492
Sunnudag 28. november
Hvør veit?
131925