Nýtt koronufrábrigdi fær ES at steðga flogferðslu úr Afrika

26.11.2021 - 12:03
AktueltHeilsa
Nýtt koronufrábrigdi fær ES at steðga flogferðslu úr Afrika
Fólk úr ávísum londum í Afrika sleppa ikki til Italia og Týsklands. Ísrael sigur, at har nærkast ein neyðstøða
Nýggja koronufrábrigdið, sum er staðfest í Afrika, smittar sera illa.
 

Týskland og Italia seta nú tiltøk í verk móti ferðandi úr syðra parti av Afrika.

Ferðandi, sum seinastu 14 dagnar hava verið í Suðurafrika, Lesotho, Botswana, Zimbabwi, Mosambik, Namibia og Eswatini, sum fyrr æt Swasiland, sleppa ikki inn í Italia og Týskland, skrivar Reuters.

Orsøkin er nýggja og sera smittandi koronufrábrigdið, sum er staðfest í fleiri av hesum londunum.

Sambært týsku heimasíðuni, Focus, koma herðingarnar í gildi í morgin.

- Hetta merkir, at flogfeløg bert kunnu taka týskar ríkisborgarar við til Týsklands, sigur heilsumálaráðið við týsku heimasíðuna. 

Og ferðafólkini skulu 14 dagar í sóttarhald.

Í morgun gjørdi ES-nevndin av at steðga allari flogferðslu úr syðra parti av Afrika, skrivar Reuters.

Ferðafólk hildin aftur

Ferðafólk, sum komu við flogfari úr Suðurafrika til Schiphol í Hollandi, verða hildin aftur og sita í flogfarinum, skrivar De Telegraaf.

Blaðið hevur tosað við avvarðandi hjá ferðafólkunum á flogvøllinum, sum siga, at ferðafólkini skulu kannast fyri koronu.

Holland setti í morgun bann fyri flogførum úr syðra parti av Afrika.

Í Ísrael er nýggja koronufrábrigdið longu staðfest hjá einum ferðandi úr Malawi.

- Vit nærkast eini neyðtstøðu, og neyðugt er at bera skjótt at. Tá vit hava yvirlit yvir støðuna, taka vit neyðug stig, sigur ísraelski forsætisráðharrin, Naftali Bennet.

WHO hevur fund

Bretland hevur longu sett bann fyri ferðandi úr seks londum í økinum, og tað er at leypa framav, heldur Suðurafrika.

Frábrigdið var staðfest, eftir at talið av smittutilburðum vaks nógv í Gauteng-økinum í størsta býnum í Suðurafrika, Johannesburg, og í umsitingarhøvuðsstaðnum, Pretoria.

Heimsheilsustovnurin, WHO, hevur fund í dag um álvarsligu støðuna.

Danska heilsustýrið fer í dag at kunngera koppsetingarætlanina fyri 5 - 11 ára gomul børn.
 

Er kopiera
Nýggjastu sendingar í ÚV
Týsdag 18. januar
Morgunlestur týsdagur 18.januar 2022
133930
Mánadag 17. januar
Við Tórði á túri um staðarnøvn
134177
Mánadag 17. januar
Nón - 17. januar 2021
134169
Mánadag 17. januar
Norðurljóð 17.januar 2022
133666
Mánadag 17. januar
Nogvir spennandi venjarar í Betri-deildini
134160
Nýggjastu sendingar í SV
Mánadag 17. januar
3-2
134193
Sunnudag 16. januar
Hondbóltur: Føroyar - Lettland
134104
Sunnudag 16. januar
10-mannaførini 2021
134102
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088