Fyrsta flagið loyst á Giljanesi

Týsdagin fer Magnus Rasmussen, landsstýrismaður, at loysa fyrsta flagið fyri bygningin hjá Sjóvinnustýrinum á Giljanesi.

Løgtingið samtykti í 2017, at Sjóvinnustýrið skuldi byggja í Vágum fyri í mesta lagi 13,7 mió. kr.

Verklagslógin um byggingina varð samtykt á vári 2018. 

Nú er byggingin mett at kosta góðar 30 milliónir kr.

Sjóvinnustýrið hevur síðani á sumri 2016 húsast í fyribilshølum í Havn, eftir at stovnurin noyddist at flyta úr leigaðum hølum í Miðvági, sum ikki vóru mett at vera egnað.