Klaksvíkar kommuna fer at gera íløgur fyri 111,4 mió. kr. næsta ár

Íløgur fyri 111,5 mió. kr. skulu gerast í Klaksvíkar kommunu næsta ár.

Hetta er bruttotalið.

Nettotalið er 78,4 milliónir, tí kommunan ætlar at selja fastognir og grundstykki fyri 33,1 millión.

Mentan og ítrív krevja mest

24,2 milliónir skulu brúkast til mentan og ítriv - 26,6 milliónir til byggibúgving, vegir og annað.

Kommunal virki fáa 17,5 milliónir, millum annað fara átta milliónir til bátahyl í Árnafirði.

Mentanarhúsið fær 12 milliónir krónur í íløgustuðli. 

Kappróðrarneyst skal byggjast

Kappróðrarneystið fær 7,5 milliónir. 

Og 100.000 kr. eru játtaðar til svimjihyl í Svínoynni.

Fimm milliónir verða brúktar til Bú- og heimatænastuna, tvær í Klaksvík og tríggjar á Viðareiði.