- Tíðindi, mentan og ítróttur
Barbados hátíðarhelt sína nýggju støðu sum lýðveldi
Barbados hátíðarhelt sína nýggju støðu sum lýðveldi
Barbados er nú eitt lýðveldið og Elisabeth drotning í Bretlandi er ikki longur ovasti í Barbados. Tað gjørdist formliga greitt á hátíðarhaldi í Bridgetown í gjárkvøldið
Royal Standard flaggið tikið niður og faldað fyri seinastu ferð í Barbados, sum nú er eitt lýðveldi
Mynd: Pool/Reuters/Ritzau Scanpix
30.11.2021 - 10:29
Sandra Mason er nú forseti í Barbados.
Hon tók formliga við embætinum í stórum hátíðarhaldi í nátt, sum eisini var 55 ára sjálvstýrisdagurin hjá Barbados.
Charles, bretskur prinsur av Wales luttók til tiltakið. Sum ein partur av hátíðarhaldinum var ein seinasta heilsan latin bretska kongshúsinum, og síðani var Royal Standard flaggið tikið niður.
Charles prinsur segði í røðu síni, at hann framvegis sær trærir millum londini bæði, og at hann sær seg sjálvan sum vin av tjóðini.
Sandra Mason er 72 ár, hon er nú forseti í landinum.
Heimskenda tónlistakvinnan, Rihanna, luttók eisini í stóra hátíðarhaldinum fyri lýðveldinum Barbados í Heroes Square í Bridgetown.
Hátíðarhaldið í Heroes Square í Bridgetown var líka litríkt sum nýggja lýðveldið, Barbados.
Er kopiera
Nýggjastu sendingar í ÚV
Nýggjastu sendingar í SV
