Shipping.fo gevst at samstarva við All Oceans Logistics

Shipping.fo gevst við øllum samstarvi við felagið All Oceans Logistics.

Tað boðar felagið frá í tíðindaskrivi seinnapartin.

Shipping.fo skrivar, at All Oceans Logistics er sett í samband við so nógv ivasom viðurskifti, síðani málið um Kongoránið kom fram, og ivin um, hvaðani upprunin til pengarnar í All Oceans Logistics stavar frá, er so stórur og sendir nógvar skaðandi ringvirkningar.

Tí sigur Shipping.fo, at tey hava gjørt av at gevast sum tænastuveitari hjá All All Oceans Logistics.

Shipping.fo, Mykinesgøta

Frítekst tagging: 

Shipping.fo

Mykinesgøta

Ongantíð havt leiðsluna

Shipping.fo vísir eisini á, at Shipping.fo ongantíð hevur havt leiðsluna á skipum fyri felagið, og bara hevur verið undirveitari hjá All Oceans Logistics.

Eisini vísir Shipping.fo á, at hvørki stjórin ella felagið eru partaeigarar í All Oceans Logistics ella dótturfeløgum, eins og einki umboð fyri Shipping.fo hevur verið nevndarlimur ella í leiðslum í nevndu feløgum. 

Skjøl úr Kongoráninum vísa, at í 2019 var virksemi hjá Kabila-netinum í Føroyum lagt í eitt nýtt felag. Tað er felagið Sandá, sum Shipping.fo eigur, og Jónas Sigmarsson er stjóri í.

Skjølini vísa, at Shipping.fo hevur verið tænastuveitari til feløg í Kabila-netinum síðani 2013.

Kringvarpið hevur verið í samband við Jónas Sigmarsson, stjóra í Shipping.fo í dag, men hann vil heldur ikki í dag gera samrøðu um málið.