Bárður A. Niclasen leiðari á Veðurstovuni

Nú hevur Veðurstovan fingið deildarleiðara.

Hann eitur Bárður A. Niclasen.

Bárður A. Niclasen er 47 ára gamal. Hann er cand. scient í jarðalisfrøði og hevur tikið phd í alduforsøgnum. 

Hann kemur úr einum starvi sum útbúgvingarleiðari í verkfrøði á Fróðskaparsetrinum.

Bárður A. Niclasen byrjar í deildarleiðarastarvinum 1.jannuar.

Tók tíð at finna leiðaran

Tað tók sína tíð at fáa sett Veðurstovuni deildarleiðara.

Starvið varð fyrru ferð lýst leyst at søkja hálvan september.

Evstamark at søkja var 11.oktober.

Men starvið varð lýst av nýggjum, tí ov fáar umsóknir vóru.

Nú var freistin at søkja til 8.november. 

Veðurstovan er skipað sum ein deild undir Vørn. 

Á Veðurstovuni eru í løtuni tveir veðurfrøðingar. Ætlandi verða fleiri starvsfólk sett í næstum.