11 vilja vera tekniskur stjóri í Klaksvíkar kommunu

11 umsøkjarar, tíggju menn og ein kvinna, eru til starvið sum tekniskur stjóri hjá Klaksvíkar kommunu.

Samstarvið millum Klaksvíkar kommunu og tekniska stjóran hjá kommununi tá, Óla Jákup Bech, endaði 1.september. 

Kommunustjórin, Rúni Rasmussen, hevur í løtuni ábyrd fyri tekniska økinum hjá Klaksvíkar kommunu.

Óla Jákup Bech var tekniskur stjóri í fýra ár. Hann var ársmálssettur í fimm ár.

Men setanin varð í summar longd í trý ár. Stutt eftir tað endaði tó samstarvið millum partarnar.

Starvið verður sett 1.februar næsta ár.

Starvið er áramálssett í fimm ár.