Tvey fólk eru deyð eftir koppseting

Tvey fólk eru deyð í Føroyum nakrar dagar eftir, at tey vóru koppsett fyri koronu. 

Løgreglan skal hava fráboðan, og rættarlæknalig líkskoðan skal vera, tá fólk doyggja innan sjey dagar eftir koppseting.

Í Føroyum veit landslæknin um tvær slíkar hendingar.

Eitt andlát var 14 dagar eftir koppseting.

Tað sigur Kaj Leo Holm Johannesen, landsstýrismaður, sum hevur svarað spurningum frá Steffani Klein Poulsen, tingmanni, um koronu.

13 deyð við koronu

Í Føroyum eru 13 fólk deyð við koronu. Landslæknin veit ikki, hvussu nógv teirra vóru koppsett.

Trý fólk hava verið í andingartóli, respiratori, tí tey høvdu koronu.

Koppsetingin hevur góðan virknað hjá teimum ungu, teimum 12 til 24 ára gomlu, stendur í svarinum frá landsstýrismannum.

Sannlíkindini fyri at verða smittað eru níggju ferðir minni enn hjá teimum, sum ikki eru koppsett.