2,5 mia. kr. í endurgjaldi fyri kynsliga misnýtslu

Fongsulsrevsing upp í 175 ár.

Tað var dómurin, sum fyrrverandi ítróttarlæknin hjá amerikanska filmleikasambandinum, Larry Nassar, fekk fyri at hava gjørt seg kynsliga inn á 260 fimleikagentur og -kvinnur. 

Síðani Larry Nassar var handtikin í 2018, hava fleiri hundrað fyrrverandi og núverandi fimleikarar greitt frá, hvussu Larry Nassar hevur gjørt seg inn á tær kynsliga. 

Og síðani hava advoktar hjá misbrúktu fimleikarunum arbeitt fyri at vinna gentunum og kvinnunum endurgjald frá amerikanska fimleikasambandinum, US Gymnastics. 

Nú er greitt, at tær 260 genturnar og kvinnurnar fáa 2,5 milliardir krónur í endurgjaldi frá US Gymnastics. Semja varð gjørd millum partarnar. 

Larry Nassar var lækni hjá amerikonsku fimleikarunum til fýra olympiskar leikir, og millum tær genturnar og kvinnurnar, hann hevur gjørt seg kynsliga inn á, er Simone Biles.