Leita enn eftir sjómanni

Ein sjómaður er framvegis ikki komin afturíaftur, eftir at tvey skip stoyttu saman millum Bornholm og Ystad tíðliga gjáramorgunin. 

Tveir sjómenn vóru eftirlýstir eftir samanstoytin. Annar er funnin aftur, men hann var ikki á lívi. 

Tað er kalt á leiðini, og sjóhitin liggur um fýra stig. Tí eru ongar vónir um at finna hin mannin á lívi.  

Tað var um hálvgum fimm gjáramorgunin, at bretska skipið Scott Carrier rendi á danska skipið Karin Høj, sum holvdist.

Tveir menn á Scott Carrier, ein breti og ein kroati, eru skuldsettir fyri trý lógarbrot. Eitt er fyri rúsdrekkasigling.