Tekniski skúli í Klaksvík byggjast út

Landsverk hevur biðið fyritøkur, sum vilja veita høvuðsráðgeving í sambandi við nýbygging, umbygging og samanbygging av samkomuhøll til Tekniska skúla í Klaksvík, um at søkja um undangóðkenning. 

Freistin at søkja um undangóðkenning er til 4.januar 2022 kl.14.00.

Tekniski skúli í Klaksvík hevur brúk fyri einum savningarstaði til samkomur, fyrilestrar, prógvhandanir og onnur tiltøk, sum eru vanlig og umráðandi í einum nútímans skúla.

Óbrúkt játtan verður flutt

Í fíggjarlógini fyri í ár vóru fyrst 2,2 mió. kr. til at fyrireika og projektera aulu í Tekniska skúla. Tann játtanin var minkað niður í 1,2 milliónir í vár.

Byggiskráin er liðug, og prosjekteringin heldur fram í 2022.

Eingin játtan er í fíggjarlógaruppskotinum fyri 2022. Men pengar, sum ikki eru brúktir í ár, verða fluttir til næsta ár.