Leiðarin á Heilbrigdi: Lat pengarnar blíva í Føroyum

Sjúrður Knudsen, leiðari á Heilbrigdi, heldur, at tað er skeivt, at senda 2,9 milliónir krónur av landinum til ein danska viðgerðarstovn. 

"Tey, sum fáast við at viðgera misnýtarar í Føroyum, hava brúk fyri pengunum," staðfestir Sjúrður Knudsen. 

Novavi sigur, at stovnurin skal brúka 6,9 mió. kr. í 2023 og 7,5 mió. kr. í 2024.

Tilsamans eru hetta 17,3 milliónir krónur, ella meira enn tað, sum skotið verður upp at skerja játtanina til Landssjúkrahúsið, sigur Sjúrður Knudsen.

Heilbrigdi, rúsdrekka, alkohol, brennivín, heimleys, bumsar, viðgerðarheim

Á knøunum fíggjarliga

Hann sigur, at Heilbrigdi ekur frammanundan á knøunum fíggjarliga.

Neyðugt er at umvæla og útbyggja viðgerðarstovnin á Velbastað, brúk er fyri betri tilboðum um eftirviðgerð og familjuviðgerð og brúk er fyri fleiri pengum til at eftirútbúgva starvsfólk og til hjátilboð at stuðla undir høvuðsviðgerðina.

Haraftrat er brúk fyri einum útslúsingarstovni, sigur Sjúrður Knudsen.

Hann sigur, at Heilbrigdi vil eisini heldur enn fegin seta í verk ambulanta tænastu, um pengar vórðu játtaðir Heilbrigdi til hetta endamálið, heldur enn einum nýggjum, útlendskum veitara.