Kristianna Winther Poulsen á ting fyri Ingilín D. Strøm

"Ingilín er blivin sjúk, og tí kemur Kristianna Winther Poulsen í hennara sess á ársins síðsta tingfundi í dag kl. 13."

Soleiðis skrivar Javnaðarflokkurin í dagføring á Facebook, nú tað hoyrdist, at eitt løgtingsfólk hevði fingið staðfest koronu. 

Hóast Javnaðarflokkurin ikki beinleiðis skrivar, at tað er er Ingilín D. Strøm, ið hevur fingið staðfest koronu, so ber til at lesa tað millum reglurnar. 

"Vit ynskja Ingilín góðan bata og harmast um, at hon sum uppskotssetari ikki fær verið við til 3. viðgerð av uppskotunum um sammøður," stendur í dagføringini. 

Javnaðarflokkurin ger samstundis vart við, at allar aðrir tinglimir hjá Javnaðarflokkinum hava negativa koronukanning at vísa á, og tí hevur flokkurin boðað umsitingini í Løgtinginum frá, at flokkurin heldur, at tingfundur kann haldast í dag sum ætlað.

 Javnaðarflokkurin endar dagføringina við orðunum. "Samstundis er tað gott, at Kristianna kann møta á tingi og stuðla uppskotunum."