Starvsfelagið: Starvsfólkrættindi verða tveitt fyri borð

Starvsfelagið: Starvsfólkrættindi verða tveitt fyri borð
Um Strandfaraskip Landsins verða gjørd um til eitt alment partafelag, fær tað stórar avleiðingar fyri setanarviðurskiftini hjá starvsfólkunum, sigur Starvsfelagið
Mynd: Savnsmynd  
 
27.12.2021 - 07:23

Løgtingið hevur biðið Landsstýrið um at gera Strandfaraskip Landsins til partafelag.

Meirilutin í Fíggjarnevndini setti eina millión krónur av í fíggjarlógini til at fyrireika lógaruppskot um at stovna partafelagið, Strandferðslan. 

Formaðurin í Starvsfelagnum, Súni Selfoss, heldur ikki, at tað er eitt gott hugskot. 

Hann sigur, at Starvsfelagið hevur havt stórar og afturvendandi trupulleikar við at hjálpa starvsfólki í partafelagnum, Posta. 

 

Eftirkanna sentanarviðurskiftini

Talan er um trupulleikar við at eftirkanna, um setanir eru sambært lóg og sáttmála, og um starvsfólk fáa røtt setanarskriv og rætta løn. 

Og síðst, men ikki minst, vantandi gjøgnumskygni og grundgevingar í sambandi við uppsagnir og burturvísingar.

Formaðurin í Starvsfelagnum sigur bart út, at starvsfólkarættindi verða tveitt fyri borð, og stovnurin, Strandfaraskip Landsins, verður huldur í bølamyrkri.

Samgongan hevur ikki ráðført seg við tey feløg, sum varða av starvsfólkunum, sigur Súni Selfoss.

Er kopiera
Nýggjastu sendingar í ÚV
Týsdag 13. mai
LEITISSTEIN 13.05.2025 (Lyon Hansen)
191832
Týsdag 13. mai
Morgunlestur týsdagur 13. mai 2025
191670
Týsdag 13. mai
Breddin
191814
Nýggjastu sendingar í SV
Týsdag 13. mai
Grønir fingrar (3:3)
191776
Týsdag 13. mai
Veðrið
191826
Týsdag 13. mai
KAKUMiKS (1:7) - teknmálstulkað
191815
Mánadag 12. mai
3-2 (12. mai 2025)
191790