- Tíðindi, mentan og ítróttur
Sviar krevja negativa kanning fyri at sleppa inn í landið
Sviar krevja negativa kanning fyri at sleppa inn í landið
Myndugleikarnir í Svøríki krevja nú, at tú skalt hava eina negativa kanning fyri at sleppa inn í landið
Sviar hava sett herd tiltøk í verk við markið fyri at tálma koronusmittuni
Mynd: Scanpix
28.12.2021 - 11:32
Sviar herða nú krøvini hjá útlendingum at sleppa inn í landið.
Frá í dag krevja svensku myndugleikarnir, at útlendingar einans sleppa inn í Svøríki, um teir hava eina negativa koronukanning, sum er í mesta lagi 48 tímar gomul.
Hetta er eisini galdandi, um mann er liðugt koppsettur.
Kravið er galdandi fyri øll fólk yvir 12 ár, og myndugleikarnir góðtaka bæði PCR-kanningar og snarkanningar.
Nøkur undantøk eru tó. Eitt nú fyri lastbilsjafførar og fyri fólk, sum kunnu prógva, at tey eru ávegis til ella úr Bornholm. Men eisini tey, ið koma til Svøríkis til týdningarmiklar familjustøður, eru undantikin.
Er kopiera
Nýggjastu sendingar í ÚV
Nýggjastu sendingar í SV
