Settu 107 spurningar í tingsetuni

03.01.2022 - 08:26
AktueltPolitikkur
Settu 107 spurningar í tingsetuni
Allir grein 52-spurningarnir vóru svaraðir uttan ein
Tingfólk kunnu seta løgmanni og landsstýrisfólki spurningar eftir grein 52 í tingskipanini, og spurningarnir skulu svarast í seinasta lagi 10 yrkadagar eftir, at teir eru settir.
Mynd: Bjarni Árting Rubeksen  
 

107 grein 52a spurningar vóru settir í tingsetuni, sum byrjaði á ólavsøku, og til nýggjárs.

Og allir eru svaraðir uttan ein sambært heimasíðuni hjá løgtinginum.

Hervør Pálsdóttir, løgtingskvinna, spurdi Elsebeth Mercedis Gunnleygsdóttur, sum tá var landsstýriskvinna í almannamálum, um heimloysi.

Hervør Pálsdóttir spurdi tann 8.desember, um arbeitt verður við at gera hagtøl um heimloysi í Føroyum.

Og um nakað verður gjørt fyri tryggja heimleysum nøktandi umstøður og hjálp.

Hervør Pálsdóttir sigur, at hóast samgongan ikki hevur ætlanir um at áseta, hvør myndugleiki hevur ábyrgd av heimleysum, so hevur landsstýriskvinnan sagt, at hon vil arbeiða fyri at fáa hagtøl um heimloysi í Føroyum. 

Eita eftir tingskipanini

Grein 52a spurningar eita eftir grein 52a í tingskipanini, sum sigur, at tingfólk kunnu seta løgmanni og landsstýrismonnum skrivligar spurningar, sum ikki eru settir á annan hátt, um almenn viðurskifti.

Svarast skal í seinasta lagi 10 yrkadagar eftir, at spurningurin er latin inn. 

Bárður á Steig Nielsen, løgmaður, umsitur nú almannamál í landsstýrinum. 

Ein grein 52a spurningur var tikin aftur.

Er kopiera
Nýggjastu sendingar í ÚV
Fríggjadag 2. desember
Morgunlestur fríggjadagur 2. desember 2022
148596
Hósdag 1. desember
RagnarRokk 1.desember 2022
148135
Hósdag 1. desember
RagnarRokk: Nils Molin um Final Advent
148133
Hósdag 1. desember
Ljóarin, 1. desember 2022
148827
Nýggjastu sendingar í SV
Hósdag 1. desember
Fólkaflokkurin í Andglettinum
148527
Hósdag 1. desember
Val kring landið - Hov
148799
Mikudag 30. november
Tjóðveldi í Tinginum
148742
Mikudag 30. november
Sambandsflokkurin í Andglettinum
148728