Heita staðiliga fólk um at lata bilin standa

Løgreglan og tilbúgvingin hjá Tórshavnar kommunu heita staðiliga á fólk um ikki at koyra bil næstu tímarnar.

Koyrilíkindini eru sera vánalig. Sýnið er ringt, og nógvir bilar standa fastir .

Tað hevur stóran týdning, at fólk virða boðini, so tilbúgvingin, eitt nú sjúkrabilar, bjargingarbilar, løgregla og kavarudding, sleppa fram, har tørvur er á tí.

Kommunan og politiið siga, at avleiðingin er, at tey, sum hava tørv á hjálp til bilar, ið standa fastir, ikki kunnu vænta at fáa hjálp í bræði.

Myndirnar eru frá Tórshavnar kommunu.

Kavi í Havn

Kavi í Havn

Kavi í Havn, kavamyndir, kavi