Kirkjan í Oyndarfirði fingið skaða í ódnarveðrinum

Kirkjan í Oyndarfirði hevur fingið skaða í ódnarveðrinum í nátt og í dag. 

Laðaði garðurin uttan um kirkjuna er rapaður, og ein hurð, sum gongur inn í kjallaran, er eisini farin. Kirkjan stendur heilt tætt við sjóvarmálan.

Ein vesibygningur, sum stendur tætt við kirkjuna, hevur eisini fingið skaða.

Rættiliga nógvur uppgangur hevur verið í Oyndarfirði, og brotini hava ligið niðan á vegin og uttan um kirkjuna. Sambært kirkjuráðnum eru boðini farin til tryggingina. 

Okkurt neyst í Oyndarfirði hevur eisini fingið skaða í ódnarveðrinum. 
 

Sí myndir úr Oyndarfirði, sum Martin á Fløghamri hevur tikið.