Borgarar í Kili fáa nú fjórða prikið

Frá í næstu viku kunnu fólk í Kili verða koppsett fyri koronu fyri fjórðu ferð. Og Kili er fyrsta landið í Latínamerika sum tekur tað stigið.

Talan er um fólk, sum hava veika immunverju.

- Frá 10. januar fara vit undir at geva fólki við veikari immunverju fjórða prikið, so tey kunnu gerast betur fyri, enn tá tey fingu triðja prikið, segði Sebastian Pinera, forseti á tíðindafundi.

Ísrel hevur boðið fólkum, sum eru illa fyri at fáa fjórða prikið, men Kili er fyrsta landið í Latínamerika, sum gevur sínum borgarum sama møguleika, skrivar DR.