Tryggingarfeløgini hava fingið 450 fráboðanir um skaða

07.01.2022 - 15:13
AktueltSamfelag
Tryggingarfeløgini hava fingið 450 fráboðanir um skaða
Flestu skaðarnir vóru í høvuðsstaðarøkinum, men eisini í Fuglafirði og Klaksvík vóru skaðar
Tað hevur verið illveður seinastu dagarnar, og tryggingarfeløgini hava fingið umleið 450 fráboðanir um skaða.
Mynd: Savnsmynd: Bjarni Árting Rubeksen  
 

Tryggingarfeløgini hava fingið fráboðanir um 450 skaðar eftir illveðrið, sum var herfyri.

Betri Trygging upplýsir, at tey hava fingið einar 300 fráboðanir um skaða.

Teir flestu eru í høvuðstaðarøkinum, men nógvir skaðar eru eisini í Fuglafirði og í Klaksvík. Annars eru fráboðanir um skaðar um alt landið, upplýsir Annika á Heygum, skaðastjóri í Betri Trygging.

Talan er ikki um stórar skaðar, men um smáar ella smærri skaðar á sethús og bilar.

Boða frá skaða enn

Annika á Heygum sigur, at tey neyvan hava fingið allar fráboðanirnar enn, tí tað vísir seg, at nú tað lýsnar og veðrið verður betri, so koma fólk fram á skaðar, sum tryggingin síðani fær fráboðan um.

Tað kunnu fólk gera í rúma tíð, og so verður málið kannað av tryggingini, sigur Annika á Heygum, skaðastjóri á Betri Trygging.

Hvat skaðarnir hesaferð fara at kosta, er vónleyst at siga enn, sigur skaðastjórin í Betri Trygging.

Trygd fingið 150 fráboðanir

Brian Smedemark, stjóri í Trygd, sigur, tey hava fingið fráboðan um einar 150 skaðar seinastu vikuna.

Eisini hjá Trygd er bert talan um smávegis skaðar á hús av vindi og á bilar í kavanum.

Hjá Trygd heita tey á fólk um at ansa eftir, tí í støðum er kavin tjúkkur, og nú blot kemur í, kann vera skjótt, at vatn floymir inn í kjallaraíbúðir.

Í Oyndarfirði var nógvur uppgangur.

Er kopiera
Nýggjastu sendingar í ÚV
Týsdag 25. januar
Morgunlestur týsdagur 25.januar 2022
133936
Mánadag 24. januar
Við Tórði á túri í Svínoy (1:2)
134512
Mánadag 24. januar
Nón 24. januar 2022
134509
Mánadag 24. januar
Norðurljóð 24.januar 2022
134388
Mánadag 24. januar
Gjógvin fer vónandi at minka
134501
Nýggjastu sendingar í SV
Mánadag 24. januar
3-2
134528
Sunnudag 23. januar
Hvør veit?
134453
Sunnudag 23. januar
Andakt við Sólfríð Heinesen
134450
Sunnudag 23. januar
Guðstænasta úr Vesturkirkjuni
134455
Fríggjadag 21. januar
Lyst 47
134249