Meksiko: Yvir 300.000 deyð við koronu

Meksiko er meint rakt av koronufarsóttini, og er nú fimta landið, sum hevur skrásett meira enn 300.000 andlát í sambandi við koronu.

Meira enn 4 milliónir fólk hava fingið staðfest koronu í Meksiko, har slakar 130 milliónir fólk búgva.

Í gjár hevði heilsumálaráðið í landinum skrásett 300.101 andlát í sambandi við koronu, men hagtøl frá fólkyvirlitinum geva ábending um, at rætta talið kann vera oman fyri 450.000.

USA er ovast á listanum við flest skrásettum andlátum í sambandi við koronu við 858.346. Brasil hevur skrásett 619.878, India 483.463 og Russland 314.604.