- Tíðindi, mentan og ítróttur
Heitasta summarið nakrantíð
Heitasta summarið nakrantíð
Samanumtikið var 2021 ikki millum tíggju tey heitastu árini, sum eru máld í Evropa, men sjálvt summarið 2021 var tað heitasta, sum hevur verið
Summarið 2021 var tað heitasta nakrantíð í Evropa
Mynd: Scanpix
10.01.2022 - 14:43
Tøl hjá ES-veðurstovninum Copernicus Climate Change Service vísa, at summar 2021 var tað heitasta, ið Evropa hevur upplivað.
Serliga juli og august vóru sera heitir í Evropa. Hesar mánaðirnar skolaði ein hitabylgja inn yvir Grikkaland, Spania og Italia. Í Sisilia varð evropeiskt hitamet sett við 48,8 hitastigum, sum vóru 0,8 stig hægri enn gamla metið.
Nógvi hitin við Miðjarðarhavið førdi eisini til skógareldar serliga í Turkalandi, men eisini í Grikkalandi, Italia, Tunesia og Algeria.
Aðrastaðni í Evropa gjørdi ekstrema veðrið eisini um seg í 2021, og í Týsklandi, Belgia og Niðurlondum var ógvuslig vatnflóð.
Bæði vatnflóðin og nógv hitin eru partur av somu mynd av veðurskipanum, sum verða órógvaðar av veðurlagsbroytingum, sigur Copernicus Climate Change Service sambært BBC.
Er kopiera
Nýggjastu sendingar í ÚV
Mikudag 17. desember
Kultura - Jólakonsert við Jólaklingur og jólaframsýningin Jól hjá Thomsen
201665
Nýggjastu sendingar í SV
