Uttanlandsnevndin fær ikki avgreitt málið um radaran

Politiska støðan í Fólkaflokkinum ger, at Uttanlandsnevndin fær ikki tikið støðu til málið um eftirlitsradaran.

Annika Olsen og Brandur Sandoy umboðaðu Fólkaflokkin í nevndini, men hvørgin teirra er í løgtinginum longur.

Bill Justinussen, formaður í Uttanlandsnevndini, væntar, at nevndin verður fullmannað um eina viku ella 14 dagar, og tá fær Jenis av Rana, landsstýrismaður í uttanríkismálum, svar frá nevndini.

Hoyr samrøðu, sum Emil L. Jacobsen gjørdi við Bill Justinussen.