Seks frystilínuskip undir Føroyum

Eitt frystilínuskip er nú í Barentshavinum, upplýsir Fiskamarknaður Føroya.

Seks frystilínuskip eru undir Føroyum, og hini liggja.

Nógvur útróður verður neyvan í vikuni, hóast streymurin er góður, men veðurvánirnar eru ikki góðar.

Báðir djúpvatnstrolararnir liggja, men um partrolarar verður sagt, at fýra pør eru til fiskarí.

Tveir trolbátar eru norðanfyri og fiska tosk, hýsu og flatfisk. Ein er vestanfyri, hann fiskar havtasku. 

Eitt garnaskip fiskar svartkalva. Fiskaríð er smáligt.

Og eitt garnaskip fiskar havtasku. Hjá tí er fiskaríið brúkiligt, sigur Fiskamarknaður Føroya.