Viðareiði: Sjey milliónir í halli í ár

Í Viðareiðis kommunu verður hallið góðar 6,8 milliónir krónur í fíggjarætlanini fyri í ár, 2022.

Hallið verður fíggjað við tøkum peningi, skrivar kommunan á sínari heimasíðu.

Høvuðsorsøkin til hallið er stórar íløgur í keyp av lendi, nýgerð av dagstovni og umvæling av lendingini í Eiðsvík.

Skattaprosentið í Viðareiðis kommunu er 20,50 prosent.

Borgarstjórin, Marita Sumberg, vildi ikki gera samrøðu við útvarpið í dag.

Rætting: Í útvarpstíðindunum á middegi í dag var sagt, at talan var um fíggjarárið 2021. Tað er ikki rætt. Talan er um fíggjarætlanina fyri í ár, 2022. Vinaliga haldið okkum til góðar.