Árni skal svara fyrsta spurninginum

Nýggi landsstýrismaðurin í fiskivinnumálum, Árni Skaale, hevur bara verið til arbeiðis í nakrar fáar dagar, men skal longu gera seg kláran at svara fyrsta §52a fyrispurningin. 

Tað er javnaðartingmaðurin, Jóhannis Joensen, ið vil hava at vita, hvørjar ætlanir landsstýrismaðurin hevur við Veðurstovu Føroya, og nær stovnurin flytur vestur Vágar. 

Millum annað vil løgtingsmaðurin hava greiðu á, um ætlanin er at skipa Veðurstovuna í tríggjar eindir. Og um so er, hvussu tann skipanin verður, og hvar eindirnar skulu vera.

Árni Skaale hevur 10 yrkadagar at svara spurninginum.