Nú eru givin fleiri enn 100.000 prik

Nú eru fleiri enn 100.000 prik givin í sambandi við koronukoppseting í Føroyum. 

Í gjár vóru 221 fólk koppsett fyri koronu, og tilsamans eru 100.068 koronukoppsetingar gjørdar.  

Tað svarar til 265 koppsetingar um dagin, síðani fyrsta fólkið var prikað 30. desember 2020. 

Av teimum yvir 100.000 koppsetingunum hava 41.529 fólk fingið fyrra prikið.  

Eitt vet færri, 40.695 fólk, hava fingið seinnu koppsetingina, og 17.843 hava fingið trý prik.